Агнуурын бүс нутаг тогтоох тухай

Монгол улсын Засаг захиргаа, нутаг дэвсгэрийн нэгж, түүний удирдлагын тухай хуулийн 35 дугаар зүйлийн 35.1.15, 48 дугаар зүйлийн 48.1 дэх заалт, Амьтны тухай хуулийн 5 дугаар зүйлийн 5.6.1, 22 дугаар зүйлийн 22.3 дахь заалт, 2024-2029 онд хэрэгжүүлэх “Тосонгийн зоо” агнуурын бүс нутгийн нарийвчилсан агнуур зохион байгуулалтын тайлан, менежментийн төлөвлөгөөг 2022-2027 онд хэрэгжүүлэх агнуурын бүс нутгийн менежментийн төлөвлөгөөг тус тус үндэслэн сумын иргэдийн Төлөөлөгчдийн Хурлын ээлжит XV хуралдаанаас ТОГТООХ нь:

1.Ахуйн зориулалтын агнуурын бүс нутгийн байршил, хилийн цэс, талбай хэмжээг  нэгдүгээр, тусгай зориулалтын “Тосонгийн зоо” агнуурын бүс нутгийн байршил, хилийн цэс, талбай хэмжээг хоёрдугаар хавсралтаар тус тус баталсугай.

2.“Агнуурийн менежментийн тэх төв” төрийн бус байгууллагын боловсруулсан 2022-2027 онд хэрэгжүүлэх агнуурын бүс нутгийн менежментийн төлөвлөгөө, “Агнуур судлалын нийгэмлэг” төрийн бус байгууллагын боловсруулсан 2024-2029 онд хэрэгжүүлэх “Тосонгийн зоо” агнуурын бүс нутгийн нарийвчилсан агнуур зохион байгуулалтын төлөвлөгөөг тус тус дэмжсүгэй.

3.Агнуурын бүс нутгийн менежмент хариуцагчтай хамтран, агнуурын бүс нутгийн агнуур зохион байгуулалтын тайлан, менежментийн төлөвлөгөөнд тулгуурлан тус сумын хэмжээнд ан амьтныг хамгаалах, агнуурын нөөцийг зохистой ашиглах бодлого боловсруулан, аж ахуйн нэгжтэй хамтын ажиллагааны гэрээ байгуулан ажиллахыг сумын Засаг дарга (Ц.Бямбажав)-д үүрэг болгосугай.

4.Тогтоолын биелэлтэнд хяналт тавьж ажиллахыг сумын иргэдийн Төлөөлөгчдийн Хурлын нарийн бичгийн дарга (Э.Бат-Эрдэнэ)-д үүрэг болгосугай.

ДАРГА                                   Б.АХМАДБАТ

_________________o0o_________________